Pacto de la Costa da Morte

     Adjuntamos abajo a la izquierda el link al documento de todo el proyecto. Os dejamos aquí la INTRODUCCIÓN:

     Son moitas as institucións, tanto públicas coma privadas, que desenvolven a súa actividade no territorio do Pacto Territorial de Emprego da Costa da Morte. Sen embargo, a dispersión, a falta de información ou a dificuldade de acceso á mesma réstalles efectividade.

     Nun principio, o presente documento só pretendía abarcar os organismos directamente relacionados co emprego e a formación ocupacional. Sen embargo, a ausencia dunha guía útil que incluíra os datos primordiais das diferentes entidades que operan no territorio, organizadas por ámbitos de actuación, motivou a súa ampliación. Dado que moitos dos recursos existentes no territorio varían en función de diferentes subvencións recibidas polas entidades, é preciso sinalar que os datos aquí mostrados son susceptibles de modificacións.

     Sabemos, ademais, que a actualización constante é un elemento clave e agradezemos a información que se nos poida ofrecer para completar o documento. En definitiva, esperamos que esta iniciativa resulte da maior utilidade e interese para a poboación usuaria, e que revirta, finalmente, nunha mellora da empregabilidade da cidadanía da Costa da Morte.